Qostanaı oblysynda órtengen aýyldardan 1 841 adam kóshirildi

QOSTANAI. QazAqparat - Tótenshe jaǵdaılar mınıstrligi Qostanaı oblysyndaǵy tabıǵı órt boıynsha 5 qyrkúıek saǵat 13.00-degi jedel aqparatty jarııalady, dep habarlaıdy QazAqparat.

Órt sóndirý orman aımaǵynda 5 ýchaskede (Amanqaraǵaı, Lesnoe, Ozernoe, Baǵanaly jáne Kalınıno aýyldary aýdanynda) órt sóndirilip jatyr.

Jıeginiń jalpy uzyndyǵy - 5 km. Eki aýylda 91 turǵyn úı zardap shekti: Amanqaraǵaı aýylynda - 85, Ozernyı aýylynda - 6.

Órtti sóndirýge 224 tehnıka, 7 áýe kemesi (TJM – 4 tikushaq, Qazavıalesohran – 1 AN-2 ushaq, MO – 2 tikushaq), 5 órt sóndirý poıyzy, jeke quramnan 2193 adam kúsh-quraldar jumyldyrylǵan.

Órtti sóndirý, sondaı-aq qoǵamdyq tártipti saqtaý úshin ІІM jeke quramynan qosymsha 300 adam jumyldyryldy.

10 adam (5 adam, onyń ishinde bir bala, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jaraqat, kúıik alyp, ýlandy, 1935 jylǵy týǵan bir adam qaza tapty.

Órt sóndirý jumystary bastalǵannan beri áýeden 109 ret sý shashyldy.

«Qazgıdromet» RMK derekteri boıynsha 5 qyrkúıekte Qostanaı oblysy Áýlıekól aýdanynyń aýmaǵynda joǵary temperatýra 31 gradýsqa deıin saqtalady, jeldiń jyldamdyǵy sekýndyna 7 metrge deıin jetedi.

4 qyrkúıekte órt aýmaǵy 43 myń gektardan asty, orman sharýashylyǵynyń jalpy aýdany - 107 257 ga.

Halyqtyń qaýipsizdigin qamtamasyz etý maqsatynda Ozernoe aýylynan (250 adam), Amanqaraǵaı aýylynyń soltústik bóliginen (1000 adam), Kalınıno aýylynan (228 adam) jáne Lesnoe aýylynan (363 adam) jalpy barlyǵy 1841 adam evakýatsııalandy.

Baǵanaly aýylyn qorǵaýǵa kúsh-quraldar shoǵyrlandyryldy. Qazirgi ýaqytta eki órt oshaǵy janyp jatyr.

Jergilikti atqarýshy organdar Baǵanaly aýylynan 11 adamdy, onyń ishinde 2 balany Qazbasy aýylyna evakýatsııalady.

Jergilikti atqarýshy organdar evakýatsııalanǵandardy Áýlıekól orta mektebi men Áýlıekól mektep-ınternatyna ornalastyrdy, evakopýnkterde 66 adam bar, qalǵany óz úıine oralyp, týysqandaryna ornalasty.

TJM men Qostanaı oblysynyń TJD jedel jeli jumys isteıdi, psıhologtar jumysy uıymdastyryldy. TJM jedel jelisine aqparattyq sıpattaǵy 34 qońyraý kelip tústi.

57 adamǵa jáne toptyq jumys formatynda 45 balaǵa konsýltatıvtik kómek kórsetildi.

Novonejenka aýylynda QR TJM 52859 áskerı bólim kúshimen zardap shekken halyqty qabyldaý úshin palatalar tigildi.

Foto: t.me/qr_tjm