Qostanaı oblysynda órt ornynda er adamnyń máıiti tabyldy
ASTANA. 23 qarasha. QazAqparat - Keshe saǵat 20.45-te Qostanaı oblysynyń Meńdiqara aýdany, Mendiqara kentinde eki páterli turǵyn úıdiń №1 páterinde órt boldy.
QR TJM-niń baspasóz qyzmetinen habarlaǵandaı, órt eki saǵattan keıin sóndirildi. Jalyndy aýyzdyqtaýǵa QR TJM Qostanaı oblysy boıynsha TJD órtke qarsy qyzmetiniń 8 adamy men 2 tehnıkasy jumyldyryldy. Tilsiz jaý 30 sharshy metrdi sharpydy. Órt ornynda 65 jastaǵy er adamnyń máıiti tabyldy.
