Qostanaı oblysynda orman órtinen zardap shekken halyq qansha ótemaqy alady

ASTANA. QazAqparat – QR Premer-mınıstri Álıhan Smaıylov Qostanaı oblysyndaǵy órtten keıin baspanasyz qalǵan turǵyndqansha ótemaqy alatynyn aıtty, dep habarlaıdy QazAqparat tilshisi.

«Múlki (sharýashylyq qurylystary, aýyl sharýashylyǵy tehnıkasy) órt saldarynan zardap shekkenderge múliktiń búlingeni úshin ótemaqy baǵalaý qunymen ishinara tólenedi», - delingen Álıhan Smaıylovtyń Májilis depýtattarynyń saýalyna bergen jaýabynda.

Sondaı-aq, Úkimet basshysynyń aıtýynsha, Qostanaı oblysynyń zardap shekken turǵyndaryna áleýmettik kómek kórsetý aıasynda – áleýmettik tólem alýshy 23 myń adamǵa kesteden tys jalpy somasy 1,1 mlrd teńgege zeınetaqy men járdemaqy, 2 714 az qamtylǵan otbasyna 150,9 mln teńge somasynda ataýly áleýmettik kómek tólendi.

Zardap shekkenderdiń ishinde 91 otbasyna jergilikti bıýdjetten 50 aılyq eseptik kórsetkish (árbir otbasyna) mólsherinde birjolǵy kómek taǵaıyndaldy.