Qostanaı oblysynda orman órti kóbeıgen
QOSTANAI. QazAqparat - Qostanaı oblysy tótenshe jaǵdaılar departamentiniń daǵdarys ortalyǵynda orman jáne dala órtteriniń aldyn alý boıynsha brıfıng ótti, dep habarlaıdy QazAqparat.
Oblystyq TJD bastyǵynyń orynbasary, azamattyq qorǵaý podpolkovnıgi Azamat Orymbaev tabıǵı órtterdiń aldyn alý jáne olarmen kúresý boıynsha júrgizilgen jumystarǵa toqtaldy.
Onyń sózinshe, otty abaısyz qoldaný orman jáne dala órtterine ákelýi múmkin. Sondaı-aq, egis alqaptarynda jumys isteıtin aqaýly tehnıkalar tilsiz jaýdyń sebepkeri bolady. Tek ótken táýlikte ǵana 7 shóp shabý ýchaskesinde órt shyqqan. Osyǵan baılanysty mobıldi toptar oblys aýmaǵynda 594 birlesken reıd júrgizdi. Orman-dala alqaptarynda órt qaýipsizdigi erejelerin saqtamaǵany úshin 31 adam ákimshilik jaýapkershilikke tartyldy.
«Qazirgi kúni Qostanaı oblysynyń aýmaǵynda 60 orman órti tirkeldi. 2018 jylmen salystyrǵanda olardyń sany 62%-ǵa artty. Tıisinshe, shyǵyndar 3,3 esege artyp, 50 mln teńgeden asty», - dedi A. Orymbaev.
Vedomstvoda A.Orymbaev atap ótkendeı, qurǵaq shópti, qoqystardy órteý, temeki tuqylyn jaǵý - tabıǵı órttiń negizgi sebepteri sanalady.
Departament ókili oblys turǵyndaryna órt qaýipsizdigi erejelerin qatań saqtaý týraly taǵy da eske saldy.
