Qostanaı oblysynda ónerkásip salasyndaǵy jobalar pýly quryldy
NUR-SULTAN. QazAqparat – Qostanaı oblysynda ónerkásip salasyndaǵy jobalar pýly quryldy. Bul týraly osy óńirdiń ákimi Arhımed Muhambetov málim etti, dep habarlaıdy QazAqparat tilshisi.
«Jyl basynan beri ónerkásip kásiporyndary 1 870,2 mlrd teńgeniń ónimin óndirdi. Indýstrııalandyrý jyldarynda ınvestıtsııalyq jobalardy júzege asyrǵan kásiporyndar aıtarlyqtaı ósimdi qamtamasyz etti. Máselen, mashına jasaý (17,7%-ǵa), metallýrgııa (20,2%-ǵa), metall emes ónim (35,6%-ǵa) jáne tamaq ónimderi (1,3%-ǵa) óndirisiniń ulǵaıýy esebinen óńdeýshi ónerkásip 13,5% -ǵa ósimdi kórsetýde», - dedi A. Muhambetov Ortalyq kommýnıkatsııalar qyzmetinde.
Onyń aıtýynsha, ósý rezervteri retinde taıaý jyldarǵa arnalǵan 2 trln teńge bolatyn 80 jobadan turatyn tizim qalyptasty. Pýl jobalaryn júzege asyrý óńirdiń óńdeý ónerkásibi kóleminiń aıtarlyqtaı ósýine yqpal etetin bolady.
