Qostanaı oblysynda óner mektebiniń mýzeıi ashyldy
«Uly dalanyń jeti qyry» maqalasyn júzege asyrý maqsatynda ashylǵan mýzeı shaǵyn bolǵanymen, jınaǵan tarıhı málimetteri qundy. Shaǵyn ǵana zal - qazaq baspasóziniń qarlyǵashtary týraly syr shertedi. Mýzeıde qazir fotosýretterdiń ózi myńnan asyp jyǵylady. Onyń ishinde aýdannyń, aýyldyń tarıhy tolyǵymen qamtylǵan.
«Mýzeıdegi eksponattar tarıhtan syr shertedi. Munda áli jumys istep turǵan Uly Otan soǵysynyń ardageri D. Muqanovqa tıesili eski patefon qoıyldy. Sondaı-aq, ótken ǵasyrdyń ortasynda qoldanysta bolǵan shoıyn útik, balshyq qumyra, jez shylapshyn, samaýyr, ulttyq kıim men zergerlik buıymdar bar. Tarıhı jádigerlerdi jınaýǵa aýdan turǵyndary kómek berdi»,- deıdi aýdandyq mádenıet bóliminiń basshysy Janat Tájenova.
Atalmysh mýzeıde tuńǵysh qazaq dárigeri Muhamedjan Qarabaev, Sotsıalıstik Eńbek Eri Kámshat Dónenbaeva, Uly Otan soǵysynyń batyrlary men ınternatsıonalıst-jaýyngerleri týraly taqyryptyq stendter ilingen. Sonymen qatar Meńdiqara aýdanynyń qalyptasýy men damýy týraly arhıvtik materıaldar jınaqtalǵan.
