Qostanaı oblysynda omby qardyń bıiktigi 3 metrge jetti
ASTANA. QazAqparat - Qostanaı oblysy qardyń bıiktigi úsh metrge jetti. Úıler qardyń astynda qaldy, dep habarlady alau.kz.
Sońǵy kúnderi Qostanaı oblysynda burqasyn men boran soqty. Jol «dálizderiniń» bıiktigi úsh metrge deıin jetti.
Qarasý aýdanyndaǵy úı-jaıdyń bári derlik qar astynda qaldy. Turǵyndar óz úılerin qardan arshyp jatyr.
Qostanaıdaǵy «Qazgıdromet» fılıaly sınoptıkteriniń boljaýynsha, Naýryzym aýdanyna bir táýlikte 58 sm, Qarasý aýdanyna - 34 sm qar jaýǵan.
Óńirde joldar jabylyp, adamdar men kólikterdi qar qursaýynan shyǵarý boıynsha qutqarý operatsııalary júrýde. Sınoptıkter qardan keıin aıaz bolady dep boljaýda. Búgin avtokólik qozǵalysy úshin barlyq joldar ashyldy. 
