Qostanaı oblysynda Naýryz meıramy qalaı toılandy

QOSTANAI. QazAqparat - Qostanaıda Naýryz meıramy toılandy. Onda qala turǵyndary úshin teatrlandyrylǵan kórinis, sporttyq oıyndar, etnografııalyq festıval, kıiz úı qalashyǵy jáne basqa da birqatar is-shara uıymdastyryldy, dep habarlaıdy QazAqparat.

Bul jaıynda oblys ákimi Arhımed Muhambetov málim etti.

«Búgin myńdaǵan adam merekeni kóńildi ótkizý úshin kóshege shyqty. Bizdiń oblysymyzdyń turǵyndary pandemııa jyldarynda osy merekeni saǵyndy, sondyqtan Naýryz meıramy shynymen de búkilhalyqtyq merekege aınaldy. Osy jarqyn merekede men birqatar is-sharaǵa, sonyń ishinde kıiz úı qalashyǵyna bardym, onda árbir kıiz úıde birneshe etnomádenı ortalyq ulttyq atrıbýttardy, kerek-jaraqtardy, kartınalardy, taǵamdardy usyndy, qazaqy bas kıimderiniń, ulttyq áıelder kıimderiniń jáne basqa ulttyq zattardyń kórmesin uıymdastyrdy» dep jazdy aımaq basshysy.

Sondaı-aq alańda ulttyq sport túrleri boıynsha jarys uıymdastyrylǵan.

Barlyq tilek bildirýshiler arqan tartýǵa, qoı kóterýge, qazaq kúresine, armrestlıng boıynsha jarysqa, sondaı-aq sporttyń basqa da túrlerine qatysty.

«Uzaq úzilisten keıin Naýryz meıramy shyn máninde osy merekege tán jańa úmitterdiń, meıirimdi jáne jarqyn kúnderdiń bastaýy boldy» deıdi ákim.