Qostanaı oblysynda náreste ólimi 25 paıyzǵa kóbeıdi – Ajar Ǵınııat
«Búgingi tańda Qostanaı oblysynda náreste ólimi 25 paıyzǵa kóbeıgeni baıqalady. Bul baǵytta óńir elimizdegi antılıderlerdiń qatarynda. Náresteler túrli ınfektsııalarmen jáne pnevmonııamen dúnıege kelip jatyr. Men keshe ǵana Perınataldy ortalyqta boldym. Onda 700-800 gramm salmaqpen týǵan nárestelerdi kórdim. Ekinshi sebep – bul týabitti dertter. Ol syrqattardy júkti áıelderdi skrınıngiden ótkizý kezinde anyqtaý qıyn. Qazir Perınataldy ortalyqtarda arnaıy komıssııa jumys isteıdi. Olar júkti áıelderdi medıtsınalyq tekserýden ótkizip, eger balanyń densaýlyǵynda aqaý anyqtalsa, onda júktilikti toqtatýdy usynady. Degenmen keıbir jaǵdaılarda áıelder dárigerdiń nusqaýlyǵyn elemeıdi. Saldarynan densaýlyǵynda týabitti derti bar shaqalaq dúnıege keledi», - dedi mınıstr.
Ajar Ǵınııattyń málimdeýinshe, náreste ólimine sebep bolǵan syrqattardyń biri – pnevmonııa men koronavırýs ınfektsııasy. Mınıstr qaıǵyly jaǵdaılardyń aldyn alý úshin júkti áıelderdi ásirese, epıdemıologııalyq maýsymda saqtyq sharalaryn saqtap, ýaqytyly medıtsınalyq tekseristen ótip otyrýǵa shaqyrdy.
