Qostanaı oblysynda múıizderi kesip alynǵan 20 kıiktiń óleksesi tabyldy
QOSTANAI. QazAqparat - Qostanaı oblysynda múıizderi kesip alynǵan 20 kıiktiń óleksesi tabyldy, dep habarlaıdy alau.kz.
Múıizderi kesip alynǵan kıikterdiń tabylýy Qazaqstanda arnaıy operatsııa júrgizýge negiz bolǵan sebepterdiń biri. Tabıǵat qorǵaý polıtsııasy joǵalyp ketýge shaq qalǵan janýarlardyń meken etetin aımaqtaryn qatań baqylaýǵa aldy. Al ólekseleri tabylǵan kıikterge qatysty ispen Qostanaı oblysynyń tártip saqshylary aınalysýda. Óıtkeni oqıǵa Qostanaı oblysynyń aımaǵynda bolyp otyr.
Brakonerlikpen baılanysty qylmystardyń betin ashý úshin Qazaqstanda, Qostanaı oblysynyń aımaǵynda da «Saıgak» jedel-saýyqtyrý» sharasy ótip jatyr.
«Aqtóbe men Qostanaı oblystarynyń shekarasy boıynda 23 kıiktiń óleksesi tabyldy. Oqıǵanyń sebep-saldary anyqtalyp jatyr. Bul ólekselerdiń múıizderi kesip alynǵan»,-dedi Qostanaı oblystyq ІІD-niń Jergilikti polıtsııa qyzmetiniń tabıǵat qorǵaý polıtsııa bólimshesiniń bastyǵy Talǵat Ahmetov.
Tártip saqshylary talǵan fakti boıynsha «Sońy úlken shyǵynǵa batyrǵan zańsyz ańshylyq» baby boıynsha is qozǵady. ıAǵnı qorshaǵan ortany qalpyna keltirý úshin ketetin shyǵyndar quny 1000 AEK kóleminde baǵalandy. Bul degenińiz 2,5 mln teńge degen sóz. Kıikter shamamen osydan jarty nemese 1 aı kóleminde ólgen.
«Atalǵan istiń mán-jaıyn anyqtap, kıikterdiń múıizin kesip alǵandardy tabý úshin jedel sharalar uıymdastyryldy. Saraptama kıikterdiń óz ólimimen ólgenin ne olardyń óltirilgenin anyqtaýy tıis»,-dep qorytyndylady Talǵat Ahmetov.
.
