Qostanaı oblysynda muqtaj azamattarǵa 281 páter berildi
Qostanaı oblysynda 2020 jyldyń basynan beri 3600 páter paıdalanýǵa berildi. Onyń 430-y jalǵa beriletin páter bolsa, 665-i – jeke turǵyn úıler. Qazirgi ýaqytta «Qonaı» jáne «Bereke» jańa shaǵyn aýdandarynda qurylys qarqyndy. Josparǵa sáıkes, munda 102 kópqabatty turǵyn úı salynady, sonymen qatar jeke turǵyn úı qurylysy úshin 2 myńnan astam jer ýchaskesi bólinedi.Al «Bereke» shaǵyn aýdanynda 8 úıdiń qurylysy aıaqtalýǵa jaqyn.
«Sońǵy 4 jylda Qostanaıda turǵyn úı qurylysy erekshe qarqyn aldy. Atalǵan merzimde oblys ortalyǵynda 1 mln sharshy metrden astam jerge úı salynyp, 4 shaǵyn aýdan boı kóterdi. 11 myńnan astam otbasy jeke páterge ıe boldy. Oblys ortalyǵynda «Áýejaı» jáne «ıÝbıleınyı» shaǵyn aýdanynyń qurylysy aıaqtalýǵa jaqyn, olarda 76 úı turǵyzyldy. Taǵy 12 úıdiń qurylysy aıaqtalyp keledi. «Qonaı» shaǵyn aýdanynda osy jyly 19 kópqabatty turǵyn úı paıdalanýǵa beriledi. Aýdanda bir jáne eki qabatty kottejdik úıler salýdy josparlap otyrmyz. «Nurly jer» baǵdarlamasy aıasynda biregeı sáýlet stılinde jer úıler salý jobasy alǵash Qostanaı aýdanynyń Zarechnyı kentinde qolǵa alynǵan bolatyn. Bas-aıaǵy eki-úsh jyldyń ishinde 37 gektar bos jerde kottedj úlgisindegi úıler qalashyǵy paıda boldy», - deıdi Qurylys, sáýlet jáne qala qurylysy basqarmasynyń basshysy Berik Tańjaryqov.
2020 jyly oblysta muqtaj azamattarǵa 281 páter berildi. Oyń ishinde 153 kóp balaly otbasy baspanaly boldy. Qalǵandary jetim balalarǵa, halyqtyń áleýmettik jaǵynan osal toptaryna, bıýdjet qyzmetkerlerine tapsyryldy.
Oblys ákimi Arhımed Muhambetovtiń tapsyrmasyna sáıkes, 2021 jyly óńirde turǵyn úıdi paıdalanýǵa berý kórsetkishi 10%-ǵa artady. «Nurly jer» memlekettik baǵdarlamasyn iske asyrýǵa 2021 jyly bıýdjetten barlyǵy 20,4 mlrd teńge bólindi.
