Qostanaı oblysynda memlekettik tilde oqytatyn bes jańa mektep ashyldy
QOSTANAI. QazAqparat - Qostanaı oblysynda memlekettik tilde oqytatyn mektepterdiń sany jyl saıyn artyp keledi. Sońǵy birneshe jyldyń ózinde óńirde 5 jańa mektep qoldanysqa berildi, dep habarlaıdy QazAqparat tilshisi.
Qostanaı oblysynda barlyǵy 494 mektep bar, onda 112 myńnan astam bala bilim alady. Memlekettik tilde oqytatyn mektepter sany – 116, bul jalpy mektep sanynnyń 24%.
«Sońǵy jyldary oblysta memlekettik tilde oqytatyn 5 jańa mektep ashyldy. Kelesi oqý jylynda mektepke deıingi uıymdarda qosymsha 22 top, mektepaldy daıarlyq synyptary men 15 mektepte birinshi synyptar, sondaı- aq 5 kolledjde memlekettik tilde oqytý toptary ashý josparlanýda», - dep habarlady oblystyq Bilim basqarmasynyń keńeıtilgen alqa otyrysynda vedomstvo basshysy Záýre Báımenova.
Búginde aımaqtaǵy 192 balabaqsha men 370 shaǵyn ortalyqta 30 myńnan astam bala tárbıelenip jatyr. Mektepke deıingi tárbıemen 2 – 6 jasqa deıingi balalardyń 89,7% jáne 3-6 jas aralyǵyndaǵy balalardyń 99,9% qamtylǵan. Degenmen kezekte 10 myńnan astam bala bar.
Bilim basqarmasynyń basshysy oblys ortalyǵyndaǵy jańa yqshamaýdandarda 1120 oryndyq 4 balabaqsha salý qajettigin de alǵa tartty. Bul balabaqsha kezegin aıtarlyqtaı azaıtady.
