Qostanaı oblysynda memlekettik shekaraǵa sanıtarııalyq beketter qoıylady
Qaýlyǵa sáıkes 2021 jylǵy 8 aqpannan bastap Qostanaı oblysyndaǵy memlekettik shekaralarda sanıtarııalyq beketter ornatylady. Sonymen qatar qalaaralyq, oblysishilik avtobýstardyń emin-erkin qozǵalýyna ruqsat berildi. Bul rette kólik oryndarynyń 75%-y ǵana tolýy tıis, jolaýshylar qoǵamdyq kólikke maskasyz otyrǵyzylmaıdy. Qaladaǵy qoǵamdyq kólikterdiń jumysy saǵat 06:00-den 23:00-ge deıin belgilendi. Kólikter dezınfektsııalyq quraldarmen mindetti túrde óńdelýi tıis. Sondaı-aq jeksenbi kúnderi avtobýstardyń jumysy toqtaıdy.
«Taksı júrgizýshisi men jolaýshylary mindetti túrde betperde kııýi kerek. Azyq-túlik satyp alý úshin dúkenderge, dárihanalarǵa, emdeý uıymdaryna shyǵýdy, qoqysty shyǵarýdy, janýarlardy serýendetýdi, saılaý ýchaskelerine barýdy jáne t. b. qospaǵanda, Qostanaı oblysynyń eldi mekenderiniń aýmaǵy boıynsha 65 jastan asqan azamattardyń júrip-turýy shekteledi. Oıyn-saýyq, sporttyq is-sharalardy, kórmelerdi, forýmdardy, konferentsııalardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady. Jappaı korporatıvtik jáne basqa da is-sharalardy ótkizý úshin jeke menshik úıler men qurylystardy jalǵa alýǵa bolmaıdy», delingen qaýly mátininde.
Aımaqta karantın sharalary jeńildetilgenimen oıyn-saýyq mekemeleriniń (karaoke, bılıard, kalıan, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalardyń oıyn alańdary men attraktsıondary, batýttar jáne basqalar), kınoteatrlardyń, býkmekerlik keńselerdiń qyzmeti toqtatylady. Fýdkort, banket zaldarynyń qyzmetine tolyq tyıym salyndy. Mádenıet obektileriniń (jeke, toptyq daıyndyqtar), teatrlardyń jumysy ýaqytsha shekteledi. Al kitaphanalardyń, murajaılardyń qyzmetine ruqsat berildi. Dinı obektilerdiń (meshitter, shirkeýler, soborlar, sınagogalar jáne t. b.) qyzmeti jandanbaq. Alaıda ǵımarat ishindegi ashanalar jabyq bolady.
