Qostanaı oblysynda medıtsına salasynyń sheneýnigi paramen ustaldy
ASTANA. QazAqparat - Qostanaı oblysy Sybaılas jemqorlyqqa qarsy kúres qyzmeti júıeli túrde para alyp, kásipkerlerge «qamqorlyq tanytqan» QR Densaýlyq saqtaý jáne áleýmettik damý mınıstrligi Medıtsınalyq jáne farmatsevtıkalyq qyzmetti baqylaý komıteti departamenti basshysy mindetin atqarýshy K. Ótegenovany áshkereledi.
Departamenttiń baspasóz qyzmeti habarlaǵandaı, tergeý arqyly K.Ótegenovanyń bopsalaýmen júıeli túrde oblys aýmaǵynda farmatsevtıkalyq ónimderdi jetkizýmen aınalysatyn kásipkerlerden tekserý barysynda anyqtalǵan zań buzýshylyqtar boınysha ákimshilik jaýapkershilikke tartpaý úshin zańsyz aqshalaı syıaqylar alyp turǵan.
Osylaısha, qyzmet babyn asyra paıdalanyp, óz paıdasy úshin Ótegenova K. kemshilikterge kóz jumyp, tekserý qorytyndysy boıynsha oń dáıekteme berý úshin jeke kásipkerden 400 000 teńge kóleminde para alǵan. Sonymen birge, K.Ótegenova departamenttiń bas esepshisine qyzmetkerlerge syılyqaqy bólý týraly tapsyrma berip, 150 myń teńgeni óz qaltasyna jymqyrǵan.
Laýazymdy tulǵa óz kinásin tolyq moıyndady. Sotqa deıingi tergeý jumystary júrgizilip jatyr.
