Qostanaı oblysynda maskasyz avtobýsqa kirýge bolmaıdy
QOSTANAI. QazAqparat – Qostanaı oblysynda tótenshe jaǵdaılar rejımine baılanysty qoǵamdyq kólikterdiń qozǵalysy ózgerdi, dep habarlaıdy QazAqparat.
Jergilikti polıtsııa qyzmeti bastyǵynyń orynbasary Vıtalıı Tsoıdyń aıtýynsha, bul sheshim 2 sáýirden bastap kúshine enedi.
«Bas memlekettik sanıtarlyq dárigerdiń qaýlysyna engizilgen ózgeristerge sáıkes barlyq avtobýstar men taksı júrgizýshilerinde, jolaýshylarynda medıtsınalyq maska bolýy tıis. Turǵyndar maskasyz avtobýsqa kire almaıdy. Taksımen eki jolaýshydan artyq tasymaldaýǵa ruqsat joq. Jeke avtomobılderge tórt jolaýshy otyra alady», - dedi Vıtalıı Tsoı agenttik tilshisine.
Sonymen qatar qoǵamdyq kólik qozǵalysyna da shekteý engizildi. Endi avtobýstar arasyndaǵy qozǵalys aralyǵy 15 mınýtqa deıin artady. Qoǵamdyq kólikterdiń barlyǵy saǵat 20:00-ge deıin júredi. Sońǵy avtobýs aıaldamalarynan 19: 00 kezinde shyǵady. Shekteýdi buzǵan kólik ıeleri jaýapqa tartylady.
Foto: top-news.kz
