Qostanaı oblysynda mas adam mingen kólik kópirden qulap ketti
QOSTANAI. QazAqparat – Qostanaı oblysynda mas adam mingen «ÝAZ» kóligi kópirden qulap ketti, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa Denısovka-Antonovka tasjolynda bolǵan.
«ÝAZ» kóligine mingen 57 jastaǵy er adam rólge ıe bola almaı kópirden qulap ketken. Tergeý barysynda onyń alkogol ishkeni rastaldy. Kólik ishinde taǵy bir adam bolǵan», - deıdi vedomstvonyń baspasóz qyzmetindegiler.
Qazir kólik júrgizýshisi men jolaýshy Denısov aýdandyq aýrýhanasynda em qabyldap jatyr. Tergep-tekserý sharalary jalǵasýda.
