Qostanaı oblysynda mal sharýashylyǵynyń 348 «aqyldy» fermasy qurylady
QOSTANAI. QazAqparat – Qostanaı oblysynda 33 tsıfrly ferma qurylady, dep habarlaıdy QazAqparat.
Qostanaı oblysynda tsıfrlandyrý baǵdarlamasynyń Jol kartasy jumys isteıdi. Onda kórsetilgendeı, 2022 jylǵa deıin oblysta 33 tsıfrly ferma jáne ósimdik sharýashylyǵy men mal sharýashylyǵy úshin 348 ozyq ferma qurý josparlanýda.
«Oblystyń Geoaqparattyq portalyn iske qosý jumystary aıaqtalýǵa jaqyn. Bul veb-portalda óńirdiń kartografııalyq aqparaty ornalasady. Nátıjesinde arhıtektýra, qurylys, jer qatynastary qyzmetteri tolyǵymen tsıfrlyq júıege kóshedi. Kez kelgen kásipker onlaın jelige kirip, qajetti aqparatyn alady. Densaýlyq saqtaý jáne bilim berý salasy búginde 100% kompıýtermen jabdyqtalǵan. Osy jyly bilim berý nysandaryna keń jolaqty Internetke qosý jáne kompıýterlik parkin jańartý jumystary jalǵasýda. Ótken eki aıda «iKomek» jobasynyń «109» biryńǵaı nómirine júzdegen qońyraý tústi. Turǵyndar máselesiniń 98%-i sheshildi. Osylaısha, halyqtyń memlekettik organdarǵa degen senimin artyryp otyr. Buǵan qosa Qostanaı qalasynda 4 tegin WI-FI taratý jelisi ornatylmaq», - delingen oblystyq aqparattandyrý, memlekettik qyzmetter kórsetý jáne arhıvter basqarmasynyń aqparatynda.
Ónerkásip salasynda da jańalyq jeterlik. «Sokolov-Sarybaı» ken baıytý kombınaty men «Qashar» karerinde besinshi býyndy «Aqyldy fabrıkany» qurý josparlanyp otyr. «Jasandy ıntellekt» elementteri bar avtomattandyrylǵan júıeniń arqasynda Eńbek ónimdiligi 4 ese artady dep kútilýde.
