Qostanaı oblysynda mal izdep shyqqan turǵyn joǵalyp ketti
QOSTANAI. QazAqparat - 11 qazan kúni Meńdiqara aýdanynda 35 jastaǵy turǵyn iz-túzsiz joǵalyp ketti, dep habarlaıdy QazAqparat tilshisi.
Bul aqparat Meńdiqara aýdandyq ishki ister departamentiniń kezekshi bólimine tek 13 qazan kúni kelip túsken.
«Qulshyqaı aýylynda saǵat 23.00 shamasynda 35 jastaǵy Erbol Sultanov úı janýarlaryn izdeýge shyǵyp ketip, oralmaǵan. Ol týraly áldebir aqparatqa ıe bolsańyz, Meńdiqara aýdandyq ishki ister departamentine nemese myna telefondarǵa habarlasyńyz: 8 (71443)2-15-64, 2-12-38, 2-12-41, 52-56-30 nemese 102», - delingen ІІD baspasóz qyzmetiniń habarlamasynda.
Erbol Sultanovtyń boıy - 182 sm, aryqsha kelgen, shashy qara. Ústine qyzyl kúrte kıip shyqqan. Kók tústi shalbar men qara tústi bas kıim bolýy múmkin.
