Qostanaı oblysynda mal baǵyp júrip joǵalyp ketken 24 jastaǵy shopan tabyldy
Amangeldi aýdanynda qutqarýshylar joǵalǵan shopandy izdeýge shyqty.
13 aqpan kúni saǵat 03:10-da Qabyrǵa aýyldyq okrýgi Jaryqúı qystaǵynda joǵalyp ketken qoıshy týraly habar kelip tústi.
Saǵat 10:00-de 24 jastaǵy jas jigit tabynǵa shyǵyp, qaıtyp oralmaǵan eken.
Búgin saǵat 14:00-de qutqarýshylar Jaryq qystaýynan 30 shaqyrym qashyqtyqta joǵalǵan shopandy tapty.
Jigit qatty borannyń saldarynan joldy joǵaltyp, durys baǵyt taba almaǵan. Baǵymyzǵa oraı, onyń jaǵdaıy jaqsy jáne medıtsınalyq kómekke muqtaj emes.
Qutqarýshylar ony Amangeldi aýylyna jetkizdi.
Qutqarýǵa jeke quramnyń eki adamy jáne bir tehnıka jumyldyryldy.
Eger siz tótenshe jaǵdaıǵa tap bolsańyz jáne sizge kómek qajet bolsa, «101» nemese «112» telefondaryna qońyraý shalyńyz.
Qutqarýshylar sizge árdaıym kómekke kelýge daıyn.
