Qostanaı oblysynda qyzy zeınetker anasyn soqqyǵa jyqty
QOSTANAI. QazAqparat - Qostanaı oblysynyń Zatobolsk aýylynda boıjetken mas kúıde óziniń egde jastaǵy anasyn uryp-soqqan, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
Anyqtalǵandaı, óz anasyn soqqyǵa jyqqan 33 jastaǵy kelinshek eki balasymen anasynyń úıinde turyp kelgen. Ol ishkilikke salynyp, esh jerde jumys istemegen, balalaryna da qaramaǵan.
«17 qyrkúıek kúni keshki saǵat toǵyz kezinde úıde bolǵan P esimdi qyz óziniń anasyna uryp-soqqan. Sarapshy qorytyndysyna sáıkes, zardap shegýshiniń beti qantalap, oń jaq beli men saýsaqtarynda áıeldiń densaýlyǵyna jeńil zııan keltiretin dene jaraqattary jasalǵan», - dep málim etti vedomstvo.
33 jastaǵy áıel sotta óz kinásin moıyndamady jáne anasymen tatýlasýdan bas tartty. Oǵan 34 myń teńge aıyppul salynyp ákimshilik jaýapkershilikke tartyldy.
Illıýstratsııalyq foto
