Qostanaı oblysynda qyzdardy saýdalaǵan jeńgetaılar ustaldy
QOSTANAI. QazAqparat – Qostanaı oblysynyń polıtseıleri «STOP trafık» jedel-aldyn alý sharasy aıasynda qyzdardy jezókshelikke salǵan 2 jeńgetaıdy anyqtady, dep habarlaıdy QazAqparat.
«Jedel aldyn alý is-sharalaryn júrgizý barysynda Krımınaldyq polıtsııa basqarmasynyń qyzmetkerleri oblystyń aýmaqtyq bólimshelerimen birlesip, QR Qylmystyq kodeksiniń 309-baby boıynsha 2 faktini (jezókshelikpen aınalysýǵa arnalǵan prıtondar uıymdastyrý, ustaý jáne jeńgetaılyq) anyqtady. Sondaı-aq, reıdtik is-shara barysynda polıtseıler qala aýmaǵynda aqshalaı syıaqy úshin jynystyq qyzmet kórsetetin 5 qyzdy ustady. Tergeý barysynda qyzdardy saýdalaǵan 2 jeńgetaı anyqtaldy», - dedi oblystyq Polıtsııa departamentiniń baspasóz qyzmetinen.
Qazir tártip saqshylarynyń kómegimen adam saýdasynyń qurbanyna aınalǵan bir boıjetken «Progress katalızatory» qoǵamdyq birlestiginiń áleýmettik qyzmet kórsetý baspanasyna ornalastyryldy. Onyń jaǵdaıyn múddeli organdar qadaǵalaıtyn bolady.
