Qostanaı oblysynda «Qyran» arnaıy bólimshesiniń kómegimen qylmystyq top quryqtaldy
QOSTANAI. QazAqparat - QR Qarjy mınıstrligi Qarjy monıtorıngi komıtetiniń Qostanaı oblysy boıynsha Ekonomıkalyq tergeý departamenti Qostanaıda bir tulǵanyń zańǵa qaıshy áreketiniń jolyn kesti, dep habarlaıdy QazAqparat komıtettiń baspasóz qyzmetine silteme jasap.
Atalmysh áreket «Stop-OBNAL» jedel-aldyn alý sharasy aıasynda jáne «Qyran» arnaıy bólimshesiniń kómegimen júrgizildi.
Qylmystyq top 2017 jyldan qazirgi ýaqytqa deıin zańdy tulǵalardyń atynan Qostanaı oblysynyń kásipkerlik sýbektileriniń atyna is júzinde jumystar oryndalmaı, qyzmetter kórsetilmeı, taýarlar tıep-jóneltilmeı jalǵan shot-faktýralardy jazyp otyrǵan.
Júrgizilgen tintý barysynda jalǵan fırmalardyń 6 móri, 3 ETsQ, kassalyq apparattar, quryltaı qujattary, býhgalterlik qujattama, kompıýterler jáne iske qatysty basqa zattar anyqtaldy.
«Memleketke keltirilgen zalaldyń boljamdalǵan somasy 170 mln. teńgeden asady. Atalǵan fakt boıynsha QR QK 216-b sáıkes sotqa deıingi tergeý júrgizilýde»,-delingen habarlamada.
