Qostanaı oblysynda qylmystyq atqarý júıesiniń ókili sottaldy

QOSTANAI. Qostanaı oblysy boıynsha Qylmystyq-atqarý júıesi departamenti mekemesiniń otrıad basshysy para alǵany úshin sottaldy, dep habarlaıdy QR Sybaılas jemqorllyqqar qarsy is-qımyl agenttiginiń baspasóz qyzmeti.

Qostanaı oblysynyń sybaılas jemqorlyqqa qarsy qyzmeti sybaılas jemqorlyq qylmysyn jasaǵany úshin kúdikti dep tanylǵan Qostanaı oblysy boıynsha Qylmystyq-atqarý júıesi departamentiniń Qostanaı qalasy 161/2 Komıtet basqarmasy mekemesiniń otrıad basshysy ádilet maıory A. Aıytovqa qatysty sotqa deıingi tergeýdi aıaqtady.

Ol sottalǵan adamǵa tyıym salynǵan zattardy mekeme aýmaǵyna kirgizgeni úshin 30 myń teńge kóleminde para alǵan.

Aǵymdaǵy jyldyń 23 jeltoqsanynda Qostanaı qalasynyń №2 sotynyń úkimimen A.A. Aıytovqa 900 myń teńge kóleminde aıyppul salyndy.

Aıytov memlekettik qyzmette laýazym atqarý quqyǵynan ómir boıyna jáne «ádilet maıory» arnaıy ataǵynan aıyryldy.