Qostanaı oblysynda kúıik shalǵan sábı aýyr halde jatyr
QOSTANAI.QazAqparat - Qostanaı oblysynda otqa kúıip qalǵan 10 aılyq náreste aýyr halde jatyr, dep habarlaıdy QazAqparat tilshisi.
Náreste Qostanaı oblystyq balalar aýrýhanasyna 13 qyrkúıekte túsken.
«Sábıdi Áýlıekól aýdanynan alyp keldi. Denesiniń 40% kúıik shalǵan. Qazir ol jan saqtaý bóliminde jatyr. Nárestege ota jasap, emdegenniń ózinde, saldary nashar bolýy múmkin», - dedi oblystyq balalar aýrýhanasy bas dárigeriniń mindetin atqarýshy Igor Belobrjıtskıı.
Dáriger ata-analardy balalaryn únemi nazarda ustaýǵa shaqyrady.
Eske salaıyq, oblys boıynsha mundaı jaǵdaı bir aptanyń ishinde eki ret qaıtalanyp otyr. 18 qyrkúıekte Amankeldi aýdanynda sábı ystyq sýǵa kúıip, qaıtys boldy.
