Qostanaı oblysynda qutqarýshylar RF jáne Ýkraına azamattary mingen jeńil jáne júk kólikterin jyradan shyǵardy
ASTANA. 6 jeltoqsan. QazAqparat - Keshe Qostanaı oblysynyń Fedorovka aýdanynda saǵat 08.40-tan 10.15-ke deıin
aýdandyq TJB-niń qutqarýshylary Fedorovka kentinen 10 shaqyrym jerde jyraǵa aýdarylyp ketken jeńil kólikti jol boıyna shyǵardy. Mashınanyń ishinde eki jolaýshy - RF-nyń azamattary boldy.
Zardap shekkender joq, dep habarlandy QR TJM-niń baspasóz qyzmetinen.
Osy kúni saǵat 11.30-dan 15.50-ge deıin «Peshkov elevatory» nan ónimderi kombınatynyń eki «K-700» tehnıkasynyń jumyldyrylýymen jyraǵa aýdarylyp ketken «MAN» kóligi shyǵaryldy. Kóliktiń ishinde júrgizýshi - Ýkraına azamaty boldy. Kólik óz baǵyty boıynsha qozǵalysyn jalǵastyrdy. Zardap shekkender joq.
