Qostanaı oblysynda qus fabrıkasy órtendi
QOSTANAI. QazAqparat - «Agroınterqus» jaýapkershiligi shekteýli seriktestiginiń qus bazasynda órt shyqty, dep habarlaıdy QazAqparat tilshisi Qostanaı oblystyq TJD baspasóz qyzmetine silteme jasap.
Órt Arqalyq qalasynan 10 shaqyrym jerdegi Aıdar aýylynda bolǵan.
«Agroınterqus» JShS aýmaǵynda jeke turǵan qus bazasy órtendi. «Bigdocman», «Salmac» markaly arnaýly qondyrǵynyń transporter taspalary janǵan. 290 sharshy metrdi (ǵımarattyń aýdany -1404 sh.m.) sharpyǵan. Sondaı-aq gaz ballony jarylyp, sonyń dúmpýimen baza qabyrǵasynyń shamamen 15 sharshy metr keletin artqy bóligi opyrylyp túsken», - dep málimdedi TJD ókilderi.
Vedomstvonyń habarlaýynsha, qurban bolǵandar men zardap shekkender joq, Órt tutanǵan kezde bazada qustar bolmaǵan. Órt jónindegi materıal Arqalyq qalasynyń polıtsııa basqarmasyna berildi.
Materıaldyq zalaldyń kólemi ázirge belgisiz, tekseris júrip jatyr.
