Qostanaı oblysynda qurylysshy besinshi qabattan qulap, kóz jumdy
QOSTANAI. QazAqparat - Qaladaǵy «Áýejaı» shaǵyn aýdanyndaǵy kópqabatty turǵyn úı qurylysy kezinde 33 jastaǵy er adam kóz jumdy, dep habarlaıdy «QazAqparat» HAA tilshisi.
Aqparatty Qostanaı oblysy ákimdiginiń eńbek ınspektsııasy basqarmasynyń basshysy Maksım Morgýnov rastady.
«Áýejaı» shaǵyn aýdanyndaǵy №2 qurylys alańynyń montajdaýshysy besinshi qabattan qulap ketti. Ol jedel járdem qyzmeti kelgenshe qaza boldy», - dep Morgýnov.
Bul fakt boıynsha tergeý sharalary júrgizilip jatyr.
