Qostanaı oblysynda quny 200 000 dollardan asatyn krıptoaktıvter tabyldy
ASTANA. QazAqparat – Qarjylyq monıtorıng agenttiginiń Qostanaı oblysy boıynsha departamenti «KZobmen.com», «1WM.KZ», «Kazobmen.ru», «WM007.KZ», «KZ-EXCHANGE.COM» krıpto aıyrbastaý pýnktteri arqyly AHQO alańynan tys, tsıfrlyq aktıvtermen tyıym salynǵan, asa iri mólsherde tabys tabýmen ushtasqan kásipkerlik qyzmetti júzege asyrǵan azamattardyń qylmystyq áreketiniń jolyn kesti.
Júrgizilgen jedel is-sharalardyń nátıjesinde 6 mekenjaı boıynsha sanktsııalanǵan tintý júrgizildi, onyń barysynda joǵaryda kórsetilgen krıptoaıyrbastaý pýnktteriniń uıymdastyrýshylaryn áshkereleıtin zattar tabyldy. Aıtap aıtqanda: noýtbýkter, monobloktar, uıaly telefondar, banktik jáne býhgalterlik qujattar, qylmystyq qyzmetti júzege asyrý kezinde paıdalanylatyn krıptoámııan kiltteri (flesh-kartalar) alyndy.
Binance platformasynda 2 krıpto ámııanda 6 000 AQSh dollary kólemindegi krıptoaktıvter anyqtalyp, olarǵa ýaqytsha shekteýler ornatyldy. Basqa krıptobırjalarda ornalasqan taǵy 200 000 dollardan astam krıptoaktıvter tabyldy.
Sotqa deıingi tergep-tekserý jalǵasýda, ózge aqparat jarııa etýge jatpaıdy.
«QR Qarjylyq monıtorıng agenttigi kórsetilgen qyzmet túrine tıisti lıtsenzııa bolǵan jaǵdaıda Astana qalasynda AHQO aýmaǵynda ǵana ruqsat etilgenin eskertedi»,-delingen habarlamada.
Vıdeodan alynǵan kadr
