Qostanaı oblysynda qumar oıyndarda qoldanylǵan zattar órteldi

QOSTANAI. QazAqparat – Qostanaı oblysynda zańsyz oıyn bıznesin uıymdastyrýda qoldanylǵan zattaı aıǵaqtar joıyldy, dep habarlaıdy QazAqparat QR QM Qarjy monıtorıngi komıtetiniń baspasóz qyzmetine silteme jasap.

Qostanaı oblysy boıynsha Ekonomıkalyq tergeý departamentiniń qyzmetkerleri oblys aýmaǵynda qumar oıyndaryn uıymdastyrǵan úsh adamnyń ustalǵanyn habarlandy.

«Qostanaı qalasy №2 sotynyń úkimimen zańsyz oıyn bıznesin uıymdastyrýshylar QR QK 307-bóligi, 2-bóligi, 2-tarmaǵynda kózdelgen qylmysty jasaǵany úshin aıyptaldy. Olardyń árbirine 2000 AEK (5 050 000 teńge) kóleminde aıyppul óteý jazasy taǵaıyndaldy. Sot úkimniń negizinde zattaı aıǵaqtar – pokerge arnalǵan ústel, alǵashqy jazbalar, fıshka salǵyshy, oıyn kartalary, jazbalary bar dápterler, jarnamalyq býkletter, oıyn fıshkalary, keıster, plastık kartalar, oıyn tastary, dıler fıshkalary, tsıfrlyq belgileri bar kartalar órteldi», delingen komıtet aqparatynda.