Qostanaı oblysynda quqyq buzýshylyqtyń aldyn alýǵa bólingen qarajattardy jymqyrý faktisi áshkerelendi
ASTANA. 19 qazan. QazAqparat - Qostanaı oblysynda quqyq buzýshylyqtyń aldyn alýǵa bólingen qarajatty jymqyrý faktisi anyqtaldy.
Bul týraly búgin Parlament Senatynda «Qylmystardyń aldyn alý jáne quqyq buzýshylyqtar profılaktıkasy: qazirgi jaı-kúıi jáne jetildirý perspektıvalary» taqyrybyna arnalǵan konferentsııada Bas prokýrordyń orynbasary Nurmuhanbet Isaev málim etti. Sóz arasynda ol quqyq buzýshylyqtyń aldyn alý sharalary jónindegi baǵdarlamanyń ózi de syn kótermeıtinin aıtty. «Barlyq jerde derlik basqa da baǵdarlamalarda qarastyrylǵan, josparlanǵan sharalar birin biri qaıtalap jatady nemese ondaı sharalar jaýapty tulǵalardyń mindetterine kiredi jáne olardyń aǵymdaǵy sharýasy bolyp tabylady. Tipti tájirıbe júzine kelsek, biz aldyn alý máseleleriniń barlyǵyn ózderine sondaı sharalardy jasaý qajet etetin adamdarǵa senip tapsyrdyq. Máselen, quqyq buzýshylyqtyń aldyn alý baǵdarlamasy boıynsha Qostanaı oblysyna bólingen bıýdjet qarajattary jymqyrylǵan. Al Qyzylorda oblysynda osyndaı maqsattaǵy qarajat tıimsiz jumslǵan», - deıdi N.Isaev.
