Qostanaı oblysynda qýańshylyqqa qarsy sharalar qabyldandy
QOSTANAI. QazAqparat – Qostanaı oblysynyń ákimi Arhımed Muhambetov jazǵy qýańshylyqqa baılanysty tıisti sharalar qabyldanatynyn jetkizdi, dep habarlaıdy «QazAqparat» HAA tilshisi.
2019 jyly oblysta aýyl sharýashylyǵy salasynda 391 mlrd teńgeniń ónimi óndirildi. Alaıda bul kórsetkish aldyńǵy jylǵydan 22,1 paıyzǵa tómen. Munyń negizgi sebebi – jazǵy qurǵaqshylyq.
«Egin jınaý jumystarynyń qorytyndysy boıynsha 3 mln tonna astyq bastyryldy. Oblys boıynsha dándi daqyldardyń ortasha ónimdiligi gektaryna 7,6 tsentnerdi qurady. Aýyl sharýashylyǵy qurylymdarynda 67 myń tonna kartop jáne 16,2 myń tonna kókónis jınaldy. Bul nátıjeler aldyńǵy jyldardaǵydan tómen. Qazirgi ýaqytta erekshe qurǵaqshylyq saldaryn jeńildetý úshin memlekettik qoldaýdyń sharalary qabyldandy. Aýyl sharýashylyǵyn damytýǵa «QazAgro UBH» AQ qarjy ınstıtýttary bergen nesıe qarajaty merzimin uzartý týraly másele sheshildi. El Úkimetiniń rezervinen ІQM qolda ustaý kezeńinde analyq maldy saqtaý úshin aýyl sharýashylyǵy qurylymdaryna 378,6 myń teńge somasynda bir jolǵy qarjylyq kómek bólindi», - dedi Arhımed Muhambetov.
