Qostanaı oblysynda kóshelerge táýlik boıy kezekshilik ornatyldy
QOSTANAI. Qazannyń 19-y. QazAqparat /Petr Plahotnıkov/ - Qostanaı oblysynyń joldary men kóshelerindegi táýlik boıǵy patrýl qazannyń 25-ine deıin sozylady. Bul shara qazannyń 18-inde «Qaýipsiz jol» operatsııasynyń aıasynda júzege asyrylýda.
Qostanaı oblysy Іshki ister departamentiniń baspasóz qyzmetinen habarlaǵandaı, operatsııanyń alǵashqy kúni óńirde birde-bir jol-kólik oqıǵasyna jol berilgen joq. Jol qozǵalysy erejelerin buzýdyń 574 fakti anyqtaldy, onyń ishinde 26 oqıǵa - rýlge mas bolyp otyrýmen baılanysty. Sondaı-aq qujatsyz kólik aıdaǵan 27 júrgizýshi jaýapkershilikke tartyldy.
Jyldamdyqty asyrǵany úshin - 149 júrgizýshiniń, apatty jaǵdaı týǵyzǵany úshin - taǵy 5 júrgizýshiniń ústinen hattama toltyryldy. Oǵan qosa 31 jaıaý júrginshi jol qozǵalysy erejeleriniń talaptaryn oryndamaǵany úshin jaýapqa tartyldy.
