Qostanaı oblysynda koronavırýstyń aldyn alý jónindegi shtab quryldy
Ákimdikte ótken jıynǵa oblys basshysy Arhımed Muhambetov qatysty. Aýdan-qalalardyń ákimderi beınekonferents baılanys arqyly qosyldy.
Aımaq basshysynyń tapsyrmasymen koronavırýstyq ınfektsııanyń taralýyna jol bermeý úshin arnaıy shtab quryldy.
«Oblysta koronavırýstyq ınfektsııanyń paıda bolýy men taralýyna jol bermeý jóninde jumystar qolǵa alynady. Buǵan basa mán beriledi. Qostanaı áýejaıynyń bazasynda koronavırýstyq ınfektsııamen shartty naýqasty engizý arqyly jattyǵýlar ótkizildi. Medıtsınalyq uıymdarda ınfektsııaǵa kúdikti naýqastardy qabyldaý úshin arnaıy súzgi qurylǵylary uıymdastyrylady. Qostanaı qalasynyń áýejaıyna keletin halyqaralyq avıareısterdiń jolaýshylary baılanyssyz termometrııa men saýalnamadan ótedi»,- dedi Arhımed Muhambetov.
Qostanaı oblysyna QR Úkimetiniń rezervinen koronavırýstyq ınfektsııanyń aldyn alý úshin qarajat bólindi.
Oblys ákimi aýdan-qalanyń, departmaentterdiń basshylaryna ınfektsııanyń aldyn alý boıynsha halyqqa aqparattyq-túsindirý jumystaryn júrgizýdi, onyń paıda bolý táýekelderine jedel áreket etýdi tapsyrdy.