Qostanaı oblysynda koronavırýspen kúreske qansha qarajat bólindi
Coronavirus2020.kz málimetinshe, Qostanaı oblysynda koronavırýs indetin juqtyrǵan alǵashqy naýqas 2020 jyldyń 3 sáýirinde tirkeldi. Osy ýaqyttan bastap óńirde pandemııaǵa qarsy keshendi sharalar bastaldy.
Oblys basshysy Arhımed Muhambetovtiń tapsyrmasymen karantın rejımi belgilendi. Aýdan-qalalarda provızorlyq emhanalar ashyldy. Qostanaı qalasynda 200 oryndyq ınfektsııalyq aýrýhana paıdalanýǵa berildi. Oblystyq aýrýhananyń bas dárigeri ıÝrıı Moıseevtyń aıtýynsha, nysan zamanaýı joǵary tehnologııalyq qurylǵylarmen jabdyqtalǵan. Statsıonar koronavırýs jutyrǵan naýqastardy ǵana qabyldaıdy.
«Jańa aýrýhananyń joǵary tehnologııalyq zamanaýı qurylǵylarmen qamtylǵan arnaıy zerthanasy, dıagnostıka ortalyǵy, ota jasaıtyn bólimi bar. Infektsııalyq ortalyqtyń basty ereksheligi – munda dárigerler naýqasqa arnaıy qondyrylǵan planshet arqyly qashyqtan baqylaý júrgize alady. Statsıonardaǵy qaldyqtardy joıýdyń tıimdi jolyn qarastyrý da eskerilgen. Qaldyqtardy untaqtap, zararsyzdandyryp, qorshaǵan ortaǵa zııan keltirmeýin qamtamasyz etetin arnaıy júıe jumys istep tur. Ár palatada 2-3 tósek qoıylǵan. Qolaıly, jaryq ári jyly. Naýqastar dárethana, arnaıy tazartýdan ótken aýyz sýmen qamtamasyz etilgen. Bul indet juqtyrǵan naýqasqa da, ony emdeıtin dárigerge de psıhologııalyq turǵydan qolaıly jaǵdaı týǵyzady», - deıdi bas dáriger.
QR Densaýlyq saqtaý mınıstri Alekseı Tsoı Qostanaı oblysynyń ákimi Arhımed Muhambetovpen kezdesip, Qostanaı qalasynda kópbeıindi aýrýhana salý týraly memorandýmǵa qol qoıdy. Bul maqsatta bıyl jalpy aýdany 20 gektar jer ýchaskesi bólindi. Nysannyń qýaty – 400 tósek-oryn. 6 qabatty ǵımarattyń jalpy aýdany 67 myń sharshy metr bolady. Joba memlekettik-jekeshelik áriptestik esebinen júzege asyrylady. Jańa aýrýhananyń statsıonary birneshe bólikke jikteldi.
Pandemııamen kúresý úshin oblys emhanalaryna 110 sanıtarlyq avtokólik tapsyryldy. Kólik ishinde defıbrılıator apparaty, patsıenttiń tynys-tirshiligin baqylaýǵa arnalǵan monıtor, ottegi qory joǵary ÓJJ apparaty, EKG apparaty, aspırator bar.
Óńirge syrt oblystardan dáriger mamandardy tartý máselesi Úkimet deńgeıinde qaraldy. Bıyl Qostanaıǵa 240 dáriger keldi. Aımaqqa jas mamandardy kóptep tartý maqsatynda olarǵa beriletin kóterme aqy kólemi de ósken. Buǵan deıin 1,5 mln teńge kólemindegi kóterme aqy tek aýylǵa baratyn dárigerlerge ǵana berilip kelse, bıyldan bastap qalalardaǵy medıtsınalyq mekemelerge jumys isteýge kelgen mamandarǵa da 1 mln teńgeden qoldaý kórsetildi.
Memleket basshysy Qasym-Jomart Toqaevtyń Úkimettiń keńeıtilgen otyrysynda aıtqan tapsyrmasyn oryndaý úshin Arhımed Muhambetov dárihana jelileri men kóterme satý fırmalarynyń basshylarymen kezdesti. QR Prezıdenti Úkimettiń keńeıtilgen otyrysynda oblys basshylaryna tolyqqandy medıtsınalyq kómek kórsetý jáne asa qajetti dári-dármekterdi qoljetimdi etýdi tapsyrǵan bolatyn. Osy maqsatta Qostanaı oblysynyń dárihana jelilerine jalpy somasy 300 mln teńgege qaıtarymdy qarjylyq kómek kórsetildi. Arhımed Muhambetovtiń aıtýynsha, bul qarajat ystyqty túsiretin antıbıotıkter, vırýsqa qarsy dáriler, antıkoagýlıanttardy satyp alýǵa baǵyttalatyn bolady. Budan bólek epıdemııaǵa qarsy is-sharalardy júrgizý úshin 60 monıtor, ókpeni jasandy jeldetýge arnalǵan 40 apparat, 20 larıngoskop, 20 defıbrıllıator, 3 gaz analızatory, 5 beınobronhoskop, 170 kontaktisiz termometr, 11 myń qorǵanysh kombınezony, 3,5 myń qorǵanysh kózildirigi, 800 dana dezınfektsııalyq qural, 10 myń dáke tańǵysh satyp alyndy. Jalpy oblys boıynsha 210 ókpeni jasandy jeldetý apparaty bar, onyń ishinde ortalyq aýdandyq aýrýhanalarǵa 1-2 qurylǵydan berildi. Shilde aıynda ókpeni jasandy jeldetýge arnalǵan qosymsha 47 qurylǵy, birneshe kompıýterlik tomograf jetkizildi.
Qostanaı oblysynda dári-dármekterdi durys bólinýin QR Sybaılas jemqorlyqqa qarsy is-qımyl agenttigi baqylady. Alık Shpekbaev Qostanaıdaǵy «SQ-Farmatsııa» JShS operatsııalyq qoımasyna bardy. Qoıma oblystyń emdeý mekemeleri men uıymdarynyń Nur-Sultan qalasyndaǵy habtan dárilik preparattar men medıtsınalyq buıymdardy jedel alý qaǵıdaty boıynsha uıymdastyrylǵan. Túrli aýrýlardy statsıonarlyq jáne ambýlatorııalyq emdeýdi qamtamasyz etý aıasynda medıtsınalyq mekemelerdiń dástúrli ótinimderine de, koronavırýstyq ınfektsııany emdeýge qajetti qarajatqa tapsyrystarǵa da qyzmet kórsetiledi.
«Ákimdik dári-dármek, dárigerlerdi qorǵaý quraldary, onyń ishinde gýmanıtarlyq kómek aıasyndaǵy ashyqtyqqa nazar aýdara otyryp, qoǵamdyq uıymdardy belsendi túrde tartýda. Pandemııa árbir qazaqstandyqqa áser etti. Sondyqtan «barmaq basty, kóz qysty» jumys bolmaýy tıis. Árbir dári-dármek alaıaqtardyń tabys kózine aınalmaı, tutynýshysyna jetýi óte mańyzdy», - dep basa aıtty Alık Shpekbaev.
Pandemııamen kúreste qostanaılyq dárigerlerge Reseı mamandary kómekke keldi. Sverdlovsk jáne Chelıabi oblystarynyń medıtsına mamandary qostanaılyq dárigerler vıdeolektsııalar kórsetip, dáris berdi.
Jalpy oblystyń densaýlyq saqtaý salasynda 15 myń medıtsınalyq qyzmetker eńbek etedi. Onyń 1800-i dáriger mamandar bolsa, 6 myńnan astamy – orta medıtsına qyzmetkerleri. Myńnan astam medıtsına qyzmetkeri koronavırýs indetine qarsy kúres júrgizdi. Memleket basshysy Qasym-Jomart Toqaevtyń Jarlyǵyna sáıkes, Qostanaı oblysynyń 15 medıtsına qyzmetkeri ordendermen, medaldarmen jáne Qazaqstan Respýblıkasynyń Qurmet gramotalarymen marapattaldy.
«Áleýmettik medıtsınalyq saqtandyrý qory» KEAQ Qostanaı oblysy boıynsha fılıalynyń dırektory Sáýle Aımuhambetovanyń aıtýynsha, 2020 jyly koronavırýstyq ınfektsııanyń aldyn alýǵa, dıagnostıkalaýǵa jáne emdeýge, sondaı-aq epıdemııaǵa qarsy is-sharalarǵa qatysqany úshin medıtsına qyzmetkerlerine ústemeaqy tóleýge 10,9 mlrd teńge bólindi. Búginde onyń 5,5 mlrd teńgesi ıgerildi. Oblystyń medıtsınalyq uıymdaryn qarjylandyrý úshin 2021 jyly 62,9 mlrd teńge baǵyttalmaq.
Koronavırýs pandemııasy bastalǵaly jergilikti kásiporyndar medıtsına uıymdaryna kómektesip keledi. Ár aýdandaǵa kásipkerler tarapynan ınfraqyzyl termometrler, maskalar, respıratorlar, indetpen kúreste kıetin kostıýmder jáne basqa da qajetti zattar jetkizildi. Іndetpen kúreste iri kásiporyndar da shet qalǵan joq. Máselen, «Varvarınskoe» AQ birneshe márte qaıyrymdylyq aktsııalaryna qosylyp, qarajat bóle bastady. Birinshi kezeńde medıtsına qyzmetkerleri úshin qorǵanys quraldaryn alýǵa kómek kórsetildi. Ekinshi kezeńde B.Maılın aýdanynyń aýrýhanasyna arnaıy kompıýterler men elektrokardıograftar jetkizdi. Qaıyrymdylyq osy jyldyń kómek tamyz aıynda da jalǵasty. Aýrýhanaǵa kópfýnktsıonaldy kereýetter, elektrokardıograftar, zerthanalyq jabdyqtar, defıbrıllıatorlar ákelindi. Jalpy, atalmysh kásiporyn pandemııamen kúreske 80 mln teńgeden astam qarjy jumsaǵan.
Koronavırýs ınfektsııasynyń aldyn alý sharalaryna volonterler de belsene aralasty. Olar úıde qalýǵa májbúr bolǵan qart adamdarǵa dári-dármek jáne jeke gıgıena quraldaryn jetkizýge kómek kórsetip keledi. Qazirdiń ózinde 300-deı volonter jastar saıasaty basqarmasymen birlese jumys isteýde.
