Qostanaı oblysynda koronavırýsqa qarsy ekpe alatyndar sanaty keńeıtildi

NUR-SULTAN. QazAqparat – Qostanaı oblysynyń bas memlekettik sanıtarlyq dárigeri Ermuhanbet Dáýletbaevtyń koronavırýs ınfektsııanyń aldyn alýǵa baǵyttalǵan jańa qaýlysy jaryq kórdi. Atalǵan qujatqa sáıkes, KVI-ge qarsy vaktsına alatyn turǵyndar sanaty keńeıtildi, dep habarlaıdy QazAqparat tilshisi.

Qaýlyda ınfektsııalyq aýrýhanalardyń, jedel medıtsınalyq kómektiń, reanımatsııa jáne qarqyndy terapııa bólimsheleriniń, medıtsınalyq-sanıtarııalyq alǵashqy kómek kórsetetin densaýlyq saqtaý uıymdarynyń, statsıonarlyq kómek kórsetetin densaýlyq saqtaý uıymdarynyń qabyldaý bólmeleriniń medıtsınalyq personaly, sanıtarııalyq-epıdemıologııalyq qyzmettiń qyzmetkerleri; ulttyq halyq sanaǵyn ótkizý úshin pedagogter, ıntervıýerler; ýchaskelik polıtseıler, tótenshe jaǵdaılar qyzmetiniń, Qorǵanys, Іshki ister mınıstrlikteriniń, Ulttyq qaýipsizdik komıtetiniń, Memlekettik kúzet qyzmetiniń, sot organdarynyń qyzmetkerleri; medıtsınalyq-áleýmettik mekemelerdiń personaly men kontıngenti jáne jabyq balalar mekemeleriniń personaly; Qazaqstanda akkredıttelgen dıplomatııalyq, konsýldyq mekemelerdiń qyzmetkerleri bolyp tabylatyn memlekettik qyzmetshiler, Qazaqstan Respýblıkasynyń azamattary, ulttyq qurama komandalardyń músheleri vaktsına alatyndyǵy kórsetilgen.

Sondaı-aq QAJ mekemeleriniń personaly; áýejaılardyń, temirjol jáne avtomobıl vokzaldarynyń personaly; stýdentter, sozylmaly aýrýy bar adamdar (qant dıabeti, ókpeniń sozylmaly obstrýktıvti aýrýy, júrek-tamyr júıesi); 65 jastan asqandar; óndiristik kásiporyndardyń, fabrıkalardyń, aktsıonerlik qoǵamdardyń, bıznes qurylymdardyń jáne basqalarynyń qyzmetkerleri; konsaltıngtik kompanııalardyń, birlestikterdiń, keńse uıymdarynyń, bank jáne qarjy qurylymdarynyń qyzmetkerleri; QAJ mekemelerindegi adamdar (tergeýge alynǵandar, aıyptalýshylar, sottalǵandar) da ekpe ala alady.