Qostanaı oblysynda koronavırýs juqtyrǵandar sany artty

QOSTANAI. QazAqparat – Qostanaı oblystyq aqparattyq shtaby koronavırýs ınfektsııasy boıynsha epıdemıologııalyq ahýal týraly aqparatty jarııa etti, dep habarlaıdy QazAqparat tilshisi.

«31 shildede Qostanaı oblysynda COVID-19 juqtyrýdyń 252 jaǵdaıy tirkeldi, bir táýliktegi aýrý ósimi 1,2%-dy qurady», - dep habarlady oblystyq shtab.

«221 adam dárigerlerge ózderi kelip júgingen, 22-si koronavırýs juqtyrǵandarmen baılanysta bolsa, 9-y statsıonarǵa jatpas buryn profılaktıkalyq maqsatta tekserilgen. Aýrýǵa shaldyqqandardyń 224-iniń – sımptomy bar, 28-i – sımptomsyz,- dep habardar etti vedomstvo.

Eń kóp aýrý juqtyrǵandar sany Qostanaıda. Munda 78 adam koronavırýsqa shaldyqqan. Rýdnyıda 44 adam, Arqalyqta 43, Qarabalyq aýdanynda 18, Jitiqarada 13, Qostanaı aýdanynda 13, Lısakovta 8, Áýlıekól aýdanynda 8, Qarasý aýdanynda 7, Altynsarın aýdanynda 6, Denısov aýdanynda 6, B.Maılın atyndaǵy aýdanda 5, Fedorov aýdanynda 2, Meńdiqara aýdanynda 1 adam koronavıýrs juqtyrǵan.

Qostanaı oblysy boıynsha 2020 jyldyń 3 sáýirinen 2021 jyldyń 31 shilde aralyǵynda COVID-19 juqtyrýdyń 20 752 jaǵdaıy tirkelgen.

Saýyǵyp shyqqandar sany 18 665 adam.

Eske sala ketıik, ótken táýlikte Qazaqstanda 7 803 koronavırýs juqtyrý jaǵdaıy tirkeldi.

Janna Musabaeva