Qostanaı oblysynda koronavırýs juqtyrǵan júkti áıel aman-esen bosandy
QOSTANAI. QazAqparat – Qostanaı oblysynyń aýylynda KVI juqtyrǵan kelinshek ómirge sábı ákeldi, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti málim etkendeı, júkti kelinshek Sovid-19 vırýsyn juqtyryp, aýrýhanaǵa túsken. Áıel búgin aman-esen bosandy.
«Bala men ananyń jaǵdaıy qanaǵattanarlyq. Áıel arnaıy statsıonarda, esh qıyndyqsyz bosandy. Sábıdiń salmaǵy – 4,7 keli, boıy – 59 sm. Qazir ekeýi de oqshaýlaǵysh bólmege kóshirildi. Dárigerler qorǵanysh quraldaryn kıip, qyzmetin atqardy» - delingen vedomstvonyń aqparatynda.
Aıta keteıik, búgingi jaǵdaı boıynsha Qostanaı oblysynda 10 adam indetten jazylyp shyqty.
