Qostanaı oblysynda koronavırýs juqtyrǵan erli-zaıypty Mysyrdan kelgen
QOSTANAI. QazAqparat – Koronavırýs juqtyrǵan erli-zaıypty Mysyrdan kelgen, dep habarlaıdy QazAqparat Qostanaı oblysynyń aqparattyq shtabyna silteme jasap.
Koronavırýs Tobyl qalasyndaǵy karantındik gospıtalde jatqan 1990 jáne 2000 jylǵy erli-zaıyptydan anyqtaldy. Olar – Qostanaı qalasynyń turǵyndary.
«Bul azamattar buryn aýyrǵan naýqaspen baılanysta bolǵan jáne Sharm-el-Sheıhten (Mysyr) Almaty qalasyna kelgen. Almaty qalasynda aldyn ala alynǵan taldaýlar teris nátıje kórsetken. Osyǵan baılanysty olar turǵylyqty jeri Qostanaı oblysyna jol júrgen. Qazir erli-zaıyptylarmen birge bolǵan vagondaǵy 12 adam karantındik gospıtalǵa jatqyzyldy», – delingen shtab aqparatynda.
Dárigerlerdiń málimetinshe, qazirgi ýaqytta naýqastar qanaǵattanarlyq jaǵdaıda.
Qostanaı oblysynyń aqparattyq shtaby turǵyndardy aýrýdyń aldyn alý sharalaryn saqtaýǵa shaqyryp, úıden shyqpaýǵa keńes beredi.
