Qostanaı oblysynda koronavırýs juqtyrǵan 4 adam da Jitiqara qalasynan
QOSTANAI. QazAqparat - Qostanaı oblysynda anyqtalǵan 4 adam da Jitiqara qalasynyń turǵyndary bolyp shyqty.
Bul týraly QazAqparat QR Prezıdenti janyndaǵy Tótenshe jaǵdaıdy qamtamasyz etý jónindegi Memleketik komıssııanyń Jedel tabyna silteme jasap habarlaıdy.
Tórt azamattyń ekeýi — 1972 jáne 1993 jyly týǵan azamattar ózderine deıin vırýsty juqtyrǵan adamdardyń kórshileri, qalǵan ekeýi — 1975 jáne 1998 jylǵy azamattar buǵan deıin koronavırýsty juqtyrǵan adamdarmen jaqyn qarym-qatynasta bolǵan.
PTR dıagnostıkalyq zertteý qorytyndysy boıynsha 4 adamnan da COVID-19 dıagnozy rastaldy. Qazirgi tańda naýqastardyń jaǵdaıy qanaǵattanarlyq, densaýlyǵyna shaǵymy joq. Atalǵan azamattar oqshaýlandy jáne tıisti em-dom qabyldap jatyr.
Olardyń qatynasqan adamdaryn anyqtap, oqshaýlaý jumystary qolǵa alynǵan. Aýrý oshaqtarynda zararsyzdandyrý jumystary júrgizildi.
Qazirgi tańda Qostanaı oblysynda koronavırýs juqtyrǵan 19 adam bar.
https://www.coronavirus2020.kz/kz
