Qostanaı oblysynda kólik júrgizýshisi boıjetkendi ádeıi qaǵyp ketken
ASTANA. QazAqparat - Qostanaı oblysynyń Zatobolsk kentinde 33 jastaǵy «Gazel» avtokóligi 25 jastaǵy boıjetkendi qasaqana qaǵyp ketken. Polıtsııanyń habarlaýynsha, osynyń saldarynan boıjetken ár túrli dárejede dene jaraqatyn alǵan, dep habarlaıdy «QazAqparat» HAA tilshisi.
Oqıǵa 16 shilde kúni saǵat túngi 01:30 shamasynda tirkelgen. Qostanaı oblysynyń ІІD baspasóz qyzmeti atalǵan jaǵdaıǵa baılanysty qylmystyq is qozǵalǵanyn habarlaıdy.
«33 jastaǵy júrgizýshi «Gazel» avtokóligin júrgizip kele jatyp, 25 jastaǵy boıjetkendi qasaqana qaǵyp ketken. Osynyń saldarynan zardap shegýshi dene jaraqatyn alǵan. Atalǵan jaǵdaı boıynsha QR QK 107-baby 1-bóligi boıynsha qylmystyq is qozǵaldy», - dep habarlaıdy Qostanaı oblysynyń ІІD-nen.
Qazirgi ýaqytta tergeý amaldary bastalyp, saraptama jumystary qolǵa alynǵan.
Aıan Bekenuly
