Qostanaı oblysynda kólik jáne qosalqy bólshekter saýdasy 6,4 esege ósti
Kezdesý barysynda Qostanaı oblysynyń eksporttyq áleýeti jáne ınvestıtsııalyq ahýaly talqylandy. Arhımed Muhambetov atap ótkendeı, «KazakhExport» AQ ekonomıkanyń basym sektorlarynda shıkizattyq emes taýarlar eksportyn qoldap keledi. Sondaı-aq otandyq kásiporyndardy qarjylyq saqtandyrý boıynsha edáýir jetistikke jetken. «KazakhExport» AQ basshysy oblys ákimine aktsıonerlik qoǵamnyń Qostanaı oblysyndaǵy jumysy týraly aıtyp berdi.
«2017 jyldan bastap bizdiń seriktestik Qostanaı oblysynyń 11 kásipornyna jalpy somasy 46,5 mlrd teńgege qoldaý kórsetti. Byltyrǵy qańtar-qarashada syrtqy saýda aınalymy 2,3 mlrd dollardy qurady jáne 2018 jylǵy kezeńimen salystyrǵanda 13,2% -ǵa ósti. Saýda qurylymynda eksport 49% quraıdy, ósim 15%-ǵa jetti. Jalpy eksport 1,1 mlrd dollardan asty»,- dedi Rýslan Ysqaqov.
Qostanaı oblysy búginde Reseı, Aýǵanstan, Ózbekstan, Qytaı jáne Iran elderine eksport shyǵarady. Bul salada óńdeý ónimderi 20%-ǵa jetti. Óńirdegi óńdeý ónerkásibiniń eksporty 234,9 mln dollarǵa teń.
Arhımed Muhambetov óńdeýshi ónerkásibi eksportynyń ulǵaıǵanyna toqtaldy. Kólikter men qosalqy bólshekter 6,4 ese, makaron ónimderi 23%, sút ónimderi 12,2% ósti.
Arhımed Muhambetov Qostanaı oblysy memlekettik qoldaý tetikterin tıimdi paıdalanatynyn jáne eksporttaýshylarǵa kómek kórsetýge daıyn ekenin atap ótti.
