Qostanaı oblysynda kólik pen jylqy soqtyǵysyp, eki adam qaza tapty

QOSTANAI. QazAqparat - Polıtseıler «Qostanaı-Áýlıekól-Surǵan» tasjolynda bolǵan jol apatyna qatysty sotqa deıingi tergeý jumystaryn bastady, dep habarlaıdy QazAqparat.

«Túngi saǵat bir shamasynda «Qostanaı-Áýlıekól-Surǵan» tasjolynyń 134-shi shaqyrymynda jol apaty bolyp, eki adam qaza tapty. Taǵy tórt adam ártúrli dárejede dene jaraqatyn aldy. Sheteldik kólik júrgizýshisi jylqyny soqty. Qazir apattyń sebebi anyqtalyp jatyr», - dep habarlady polıtsııadan.

Jylqynyń ıesi QR Ákimshilik quqyqbuzý kodeksiniń 408-baby boıynsha ákimshilik jaýapkershilikke tartyldy.

Tártip saqshylary kúre jolda jol qozǵalysy erejelerin saqtaý qajettigin eske saldy.

«Júrgizýshilerge taǵy da úndeý joldaımyz: jolda abaılap júrip, qyraǵy bolyńyz, jol erejesin saqtańyz, adamdardyń ómiri soǵan baılanysty», - dep atap ótti Qostanaı oblysy ákimdiginiń baspasóz qyzmetinen.

Qazirgi kezde oblystyń tasjoldarynda patrýldeý kúsheıtildi.