Qostanaı oblysynda kólik qaqqan eki júrginshi mert boldy
QOSTANAI. QazAqparat - Qostanaı oblysy, Jitiqara qalasynda jaıaý júrginshilerdi qaqqan 23 jastaǵy turǵynnyń ústinen qylmystyq is qozǵaldy, dep habarlaıdy QazAqparat tilshisi.
Qaıǵyly oqıǵa 14 qazan kúni Jitiqaradaǵy Ýálıhanov-Jibek joly kósheleriniń qıylysynda bolǵan. Saǵat 01.30 shamasynda «Lada» avtokóliginiń júrgizýshisi 36, 55, 51 jastaǵy jaıaý júrginshilerdi qaǵyp ketken. Kúdikti oqıǵa ornynan qashyp ketpekshi bolǵan. Alaıda, tərtip saqshylary ony «izin sýytpaı» ustady.
Aýyr dene jaraqaty saldarynan 51, 55 jastaǵy oblys turǵyndary Jitiqara aýdandyq aýrýhanasynda qaza tapty. Úshinshi zardap shegýshi aýyr halde jatyr.
Osy fakt boıynsha QR QK 345 baby, 4-tarmaǵymen sotqa deıingi tergeý jumystary júrgizilýde.
