Qostanaı oblysynda kólik qaqqan 13 jasar velosıpedshi qaza tapty
QOSTANAI. 10 qazan. QazAqparat - Qostanaı oblysynyń Qarabalyq kentinen eki shaqyrym jerdegi Almaty-Ekaterınbor kólik jolynda jasóspirim qaza tapqan jol-kólik oqıǵasy oryn aldy.
ІІD-nen bolǵan oqıǵanyn mán-jaıyn habarlady. Keshe, 9 qazan kúni keshki saǵat 20-da Qarabalyqtyń 25 jastaǵy turǵyny óziniń «VAZ-2112» kóligimen jolǵa shyqqan. Bul kezde Qarabalyqqa velosıpedpen eki jasóspirim bara jatqan edi. Júrgizýshi balalardy tym kesh baıqady.
Jol-kólik oqıǵasynyń saldarynan jasóspirimderdiń biri oqıǵa ornynda qaza tapty, kóptegen jaraqattar alǵan ekinshisi aýdandyq aýrýhananyń hırýrgııalyq bólimine jetkizildi.
Oqıǵanyń mán-jaıyn tekserý kezinde sol kúngi keshte uldardyń velosıpedpen Gýrıanov aýylynan Qarabalyqqa qaıtyp kele jatqany anyqtaldy. Velosıpedtiń ramasynda otyrǵan balanyń aıaq kıimi ushyp ketken. Al velosıpedti aıdap kele jatqan jasóspirim ony burǵan kezde kólikpen soqtyǵysyp qaldy.
Saraptamalyq zertteý kólik júrgizýshisiniń mas emes ekenin anyqtady.
