Qostanaı oblysynda kólik ǵımaratqa soǵylyp, er adam kóz jumdy
QOSTANAI. QazAqparat - Qostanaıda adam ólimimen aıaqtalǵan jol-kólik apatyna qatysty tergeý sharalary bastaldy, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa Qostanaı-Uzynkól tasjolynyń 125-shaqyrymynda bolǵan.
«Uzynkól aýdanynyń Krasnaıa Presnıa aýylyna burylatyn qıylysta «Daewoo Nexia» kóligin mingen 33 jastaǵy júrgizýshi bos turǵan ǵımaratqa soǵylǵan. Oqıǵa saldarynan kólikte ot tutandy. Júrgizýshi oqıǵa ornynda kóz jumdy», - delingen oblystyq ІІD baspasóz qyzmeti habarlamasynda.
Jol-kólik oqıǵasy deregine qatysty QR QK 345-babynyń 3-tarmaǵy («Jol qozǵalysy erejesin buzý») boıynsha sotqa deıingi tergeý amaldary júrgizilip jatyr. Saraptamalar taǵaıyndaldy.
