Qostanaı oblysynda kólik baqylaý beketterindegi jemqorlyq tamyr jaıǵan
Belgili bolǵandaı, osy tasjoldyń ruqsat etilgen júk salmaǵy 10 tonnany quraıdy. Osy shartty ustanǵanda jol kem degende 5 jylǵa jaramdy bolýy tıis. Biraq, is júzinde olaı bolmaı shyqty.
«QazAvtoJol» UK» AQ Qostanaı bólimshesi dırektorynyń orynbasary Nurbek Temirhanov jınalys barysynda málim etkendeı, búginde tasjol ýchaskesiniń zalaly jarty mıllıard teńgeni quraıdy. Memleket 3 jyl buryn jaartqan joldy jóndeý úshin osynsha qarjy qajet.
«Sońǵy 10 jylda respýblıkalyq mańyzy bar tasjoldy jóndeý úshin 70 mlrd teńge jumsalǵan. Onyń 7 mlrd teńgesi Qostanaı qalasynan Reseı Federatsııasynyń shekarasyna deıingi aralyqtaǵy M36 ýchaskesin jóndeýge bólindi. Osy ýchaskedegi jol 10 tonnadan aspaıtyn salmaqqa arnalǵan. Alaıda, júk tasymaldaýshylar bul talapty eskermeıdi. Osyǵan baılanysty joldar jarylyp, kemshilikter paıda bolýda. Aýyr júkterdiń zalaly 525 mln teńgeni qurap otyr», - dedi Nurbek Temirhanov.
Alaıda, Qostanaı oblystyq kóliktik baqylaý ınspektsııasy basshysynyń mindetin atqarýshy Rýslan Seıtalın basqa sandardy keltirip, jyl basynan beri 10 tonnadan astam aýyr júkti tasymaldaýdyń tek bir faktisi tirkelgenin atap ótti.
Jalpy, ınspektsııa 2018 jyldyń birinshi jarty jyldyǵynda kóliktik baqylaý beketterinde 10823 avtokólik quraldary tirkelip, tekserilgen. Qarabalyq beketinde 9 myń kólik tekserilgen. Tekserý barysynda 665 buzýshylyq anyqtalyp, bıýdjetke 86 mln teńge aıyppul túsken.
Arnaıy baqylaý tobynyń múshesi Aldan Menkeev keltirilgen derekterge ashýlanyp, bekette jemqorlyq baryna sendirýde.
«Men 23 shildede Qarabalyq aýdanyndaǵy bekette tańǵy saǵat 8-den keshki 8-ge deıin boldym. Ózderińiz bilesizder, úsh jyl buryn reıd júrgizgenimde bekettegi shelekten 5 myń teńge tabylǵan edi. Sodan beri eshteńe ózgergen joq. Men bul jerden ár aı saıyn ótemin, bári kóz aldymda bolyp jatyr. Endi shyndyqty aıtaıyq. Qazir kólik polıtsııasynyń qyzmetkerleri jumys istep jatqandaryn aıtýda. Bul jolda tipti jol belgileri joq. Bári tek qaǵaz júzinde jasalǵan», - dedi A. Mankeev.
Baqylaý tobynyń múshesi kórsetkendeı, bekette jemqorlyq shemasy jumys isteıdi. Muny osy ýchaskeden ótetin júrgizýshilerdiń áńgimeleri jazylǵan aýdıotaspa dáleldep otyr.
A. Menkeevtiń aıtýynsha, jemqorlyq shemasy mynadaı: KamAZ júrgizýshileri janarmaı quıý beketine keledi, keıin júrgizýshi taksımen beketke baryp, aqsha berip, qaıta taksımen keledi jáne KamAZǵa otyryp, aınalma jolmen ketedi.
Onyń pikirinshe, bul máseleni sheshýdiń jalǵyz joly - «Qarabalyq» kóliktik baqylaý beketin jabý.
«Búgin 7 mlrd teńge jumsalǵany týraly aıtyldy. Al, bıýdjetke aıyppul túrinde tek 39 mln teńge túsken. Shyndyqqa tike qaraý kerek. Shyǵyndar ózin-ózi jappaıdy», - dep túıindedi ol.
Talqylaýdy Qostanaı oblystyq memlekettik qyzmet isteri jáne sybaılas jemqorlyqqa qarsy is-qımyl agenttigi departamentiniń basshysy Salaýat Mýksımov qorytyndylady. Ol bul faktini agenttiktiń óz baqylaýyna alatynyn atap ótti.