Qostanaı oblysynda kóligimen adam qaǵyp óltirgen aýdandyq órt sóndirý bóliminiń burynǵy basshysy sottaldy
QOSTANAI. QazAqparat - Qostanaı oblysynyń Qarabalyq aýdandyq soty aýdandyq órt sóndirý bóliminiń burynǵy basshysy Danııar Qusaıynovqa qatysty úkim shyǵardy.
Іs materıaldaryna qarasaq, ótken jyly qazan aıynda D.Qusaıynov abaısyzda garajdan kóligimen sheginip shyǵyp kele jatyp egde jastaǵy áıel adamdy qaǵyp ketken. Júrgizýshi úıiniń janynan ótip bara jatqan áıel adam jaraqat alyp, aýdandyq aýrýhanada kóz jumǵan.
Oblystyq sottyń baspasóz qyzmetiniń habarlaýynsha, prokýror men is júrgizýge qatysýshylardyń yqpalymen aıypty moıyndaý týraly nusqada mámile jasalǵan. Sot D.Qusaıynovty aıypty dep taýyp, 2,5 jylǵa shartty túrde bas bostandyǵynan aıyrdy. Onyń 4 jyl merzimge kólik quralyn basqarý quqyǵy shekteldi.
