Qostanaı oblysynda kóligi aýdarylǵan áıel júrgizýshi kóz jumdy

QOSTANAI. QazAqparat – Áýlıekól-Joldama jolynda bolǵan kólik oqıǵasy saldarynan bir áıel mert boldy, bes adam, onyń ishinde úsh bala aýrýhanaǵa tústi, dep habarlaıdy QazAqparat tilshisi.

Oblystyq polıtsııa departamentiniń baspasóz qyzmetinde habarlaǵandaı, jol apaty «Áýlıekól-Joldama» avtojolynyń 141-shi shaqyrymynda bolǵan.

«51 jastaǵy áıel oblys ortalyǵyna barar jolda Tayota avtokóligin basqara almaı, joldyń shetine aýdarylyp ketken. Júrgizýshi áıel alǵan jaraqattynan oqıǵa ornynda qaza tapty. Bes jolaýshy, olardyń qatarynda 2010, 2014 jáne 2018 jylǵy úsh bala aýrýhanaǵa tústi», - dep málimdedi vedomstvodan.

Basqa jolaýshylarǵa ambýlatorlyq em taǵaıyndaldy. Tayota avtokóliginde segiz jolaýshy bolǵan.

Avtory Janna Musabaeva