Qostanaı oblysynda qoǵamdyq kólikterdiń jumysyna ruqsat etildi

QOSTANAI. QazAqparat – Búgin Qostanaı oblysynyń memlekettik sanıtarlyq bas dárigeri Vladımır Nechıtaılo karantın shekteýleriniń jeńildetilýi týraly qaýly shyǵardy, dep habarlaıdy QazAqparat tilshisi.

Óńirdiń bas sanıtar dárigeriniń sheshimimen qalaaralyq, oblysishilik qoǵamdyq kólikter, shaǵyn avtobýstardyń kedergisiz qozǵalýyna ruqsat berildi. Bul rette kólik oryndary 75%-ǵa deıin tolyqtyrylady. Sondaı-aq jolaýshylar qoǵamdyq kólikke maskasyz jiberilmeıdi jáne kólikter sońǵy aıaldamada dezınfektsııalyq quraldarmen óńdelýi tıis.

«Qaladaǵy qoǵamdyq kólikterdiń qozǵalysy jeksenbi kúnderi toqtatylady. Rýdnyı qalasynyń marshrýttaryna (№ 1, 2, 6, 7, 8, 10, 11, 29, 200) ken baıytý orny qyzmetkerlerin tasý úshin saǵat 5:00-den 10:00-ge deıin jáne saǵat 17:00-den 01:00-ge deıin tasymaldaýǵa ruqsat berildi. Qalalyq qoǵamdyq kóliktiń jumysyn 2021 jylǵy 10 qańtardan bastap saǵat 06:00-den 23:00-ge deıin belgilendi Avtobýstarda kúsheıtilgen sanıtarııalyq-dezınfektsııalyq jáne maskalyq rejım qatań saqtalady», delingen qaýlyda.