Qostanaı oblysynda kóbik keshinde kishkentaı qyzdy tok soqty
«25 tamyz kúni Uzynkól kentinde Jastar kúnine oraı kóbik keshi ótti, onda 9 jasar qyzdy tok soqty. Іs-sharada kezekshilik etken dárigerler oǵan oqıǵa ornynda alǵashqy medıtsınalyq kómek kórsetti. Qyz aýdandyq aýrýhanaǵa jatqyzyldy», - dep habarlady Qostanaı oblysynyń polıtsııa departamentinen.
QR Qylmystyq kodeksiniń 306-baby 2-bóligi (kámeletke tolmaǵandarǵa arnalǵan taýarlar nemese qyzmetterge qatysty qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý nemese qyzmet kórsetý) boıynsha sotqa deıingi tergep-tekserý amaldary bastaldy. Qajetti tergeý amaldary júrgiziledi, tıisti saraptamalar belgilendi.
Eske sala keteıik, mamyr aıynda Túrkistan oblysynda 10 jasar bala tokqa tústi. Bala elektr energııasy qosalqy stantsııasynyń qorshalǵan aýmaǵyna kirip, óte kúshti razrıad alǵan. Onyń denesinen ótken razrıadtan keıin nekroz bastalyp, dárigerler aıaqtyń bir bóligin kesýge májbúr boldy.
